WASEEYAT

WASEEYAT

20 April 2024, Dr. Mohammad Kashif Raza Khan 

1 . Zindagi ka MAQSAD ALLAH ki Razaa hai, yahi Talash karte rahna. Apni Zindagi, apni mehnat mushaqqat, apni ibaadat, apni TAALEEM, apna kaam o karobaar, apni rishtadari, apni dosti dushmani.. aur apni MAUT... Ye sab ALLAH ki Razaa ki raah me hi rakhna.

2 . Zindagi ka Kaam ALLAH ki Razaa, DEEN e Islam, QAUM o Mulk ki Khidmat o bhalai ko banana.

3 . Hazrat Mehdi aur Hazrat ISA Alaihissalam ke sath Shaamil hone ki hi taiyaari khud karna aur apni aulad o ghar walon aur apne logon se karwana aur Shaamil ho jaana.

4 . DEEN e HAQ ko apne upar Ghaalib kar lena.

5 . Aapas me jhagra nahi karna, darguzar karna aur EK rahna, mazboot rahna. Kabhi Kamzor na hona.

6 . QAUM ki taameer ki mehnat karna. 

7 . Quran Shareef ko Achhi Tarah seekh Lena aur DEEN ekhteyaar karna.

8 . RASOOLALLAH sallahoalaihi wasallam ki mukammal ataaAt seekhna aur Karna.

9 . AHLE BAET ki Mohabbat o Qadr o Khidmat karte rahna aur naslon ko sikhaana.

10. Apna IMAAN mazboot rakhna aur Apni economy aur Defence Bahut mazboot rakhna 1:9 ke ratio me. Awwal darje ke IMAAN wala banna, apne kaam ko excellence ke sath karne ki koshish karna. High Performer rahna MOMIN ki tarah. MOMIN banna.

11. Apna AQeeda Durust rakhna, Auliya ikram, Sahaba ekram raziALLAH u anh yaani AHLE SUNNAT wal jamaat rakhna.

12. Apne aaba o ajdaad ki maghfirat ka baaes banna aur auladon ko banana.

In Sha ALLAH..!! Fee AmaaniLLAAH..!!

Ashshahdo an Laa iLaaha ILALLAHO wa Ashhadu Anna MUHAMMAD UR RASOOLALLAH sallahoalaihi wasallam..!